□ 杨晓江
广州话有个词汇：实情。老广州好熟悉，可以话系听出耳油。“实情系噉，冇错喇”即系话确实如此，的确是这样，肯定就是这回事，我认为有依据。系唔系“实情”呢？抑或系将断估当成实情？“唓，你铺话法吖，断估啫嘛”就系质疑。“抑或”即现代汉语普通话“或者”嘅意思。“抑或”就系一个古汉语词汇。清代文学家刘鹗喺《<老残游记续集>自序》入边系噉写嘅：“人生果如梦乎？抑或蒙叟之寓言乎，吾不能知”。呢句“人生果如梦”，梗系心谂如梦之“估”，只不过讲得好有道理，就唔属于“断估”，唔系凭空讲嘅。广州话有一个词语形容：实估。即系话有实际依据嘅判断估计。仲有一个更加出神入化嘅词语：断到正。即系话判断准确，逻辑推理成立，不出所料。单纯嘅、无依据嘅“断估”，就系错误嘅，不可取嘅。粤地文化推崇务实，唔系虚拟嘅，系古今一脉相承。
姑勿论呢种“实估”、“断到正”系唔系真系咁“实”，真系咁“正”，凡事都要以实际调查之实、正为准，呢种注重实、正嘅风气，由语言文化嘅传承就体现出嚟。粤语嘅中心语言广州话，亦有唔少古代汉语嘅保留，譬如讲，呢个“姑勿论”，亦可以讲“姑且勿论”。仲有“卒之”(终于)，“于是乎”。当然，亦有唔少现代汉语普通话嘅词汇加入，好多冇乜文化嘅家庭妇女，好耐以前就字正腔圆噉用纯正广州话讲“的而且确，千真万确”，加上一句广州口语“系噉口架喇”。
讲开又讲，呢个“卒”字，广州话亦有一个成语：“过河卒子当车使”。“车”念“居”，古音，为中国象棋子，代表古战车，系最有杀伤力嘅主力。北方方言讲嘅系“过了河的卒子不回头”，突出嘅系一于埋头冲。粤人嘅观念就唔同，突出嘅系用活盘活棋子，眼观六路耳听八方，未过河时唔可以横走，过咗河就系横走竖走都得，除咗唔可以回头后退之外，直插九宫，配合车马炮，一只过河卒就控制四个方向，直头就系当车使。读大学嗰时，我听嚟自朝鲜嘅学友讲，朝鲜嘅象棋，同中国象棋棋子、棋局一样，规则有唔同，其中卒子未过河都可以横走，噉就系未过河嘅卒子都当车使，唔知点攻九宫。之不过，听讲飞象可以过河，更过瘾。易冇棋子可以揢(kik7)住马脚，唔似中国象棋咁多防守“保险”同规矩。不过就唔会捉呢种象棋，因为仲有全套规则系搞唔清嘅。国际象棋仲犀利，个兵卒冲到底线仲可以升级到威猛嘅王后或者其他有利于局势嘅棋子。不过，中国象棋有其魅力同智慧内涵，变幻无穷，一直保留住冇失传。中国围棋传到日本、朝鲜半岛等地，可惜中国围棋失传咗，近现代反而要向人地跟师，再度赶超。
揢(kik7)住马脚，揢（ke）
