|
□ 晴天兰心
泉叔:做乜走过嚟芳村买鸡啊?
康伯:河北冇毛鸡卖,你知口架?
泉叔:重有冰鲜鸡吖嘛。
康伯:冰鲜鸡又贵又难食,重冇膶同肠添。我爱嚟拜神口架,唔可以冇膶肠。
泉叔:毛鸡唔上得地铁啵。
康伯:劏埋先走啦,干手净脚,费事返屋企自己整咁麻烦。
泉叔:咁我要提醒你啦,呢度有啲档口好精鬼口架。
康伯:即系点?唔通佢会换咗我只鸡?
泉叔:讲到明就噆啦。
康伯:唉,畀佢呃都冇偈。陈sir话斋,啲鸡掹咗毛,系好系坏边有得分口架。啲冰鲜够话自己系靓鸡啦,入口又唔系咁嘅样。
泉叔:你咁讲,即系甘心畀人呃啊?
康伯:买咩鸡都会畀人呃,咁买只畀人呃得少嘅啰。
泉叔:又唔使噉嘅,我介绍你去啲相熟嘅档口买咪系啰。
康伯:讲咗咁耐,原来系要我帮衬你啲朋友。喂,你唔系鸡托啊?
泉叔:喂,咪好心着雷劈喔。
康伯:讲笑啫,哈哈。